Репатриацие Iуэхухэм елэжь жылагъуэ зыгухьэныгъэм зэрыщыжаIэмкIэ, иджыпсту Урысейм Сирием щыщу цIыху мин I,6-м щIигъу щыIэщ

admin - 2014-09-25 22:26:29

"Репатриантхэм я Iуэху зезыхуэ адыгэ жылагъуэ зыгухьэныгъэм" иригъэжьащ щIэбжыкIыныгъэр репатриантхэмрэ я къэралым зауэм щхьэкIэ икIын хуей хъуахэмрэ я бжыгъэмрэ я псэукIэмрэ зырагъэцIыхун щхьэкIэ. Иджыпсту псом нэхъыбэу лэжьыгъэр щекIуэкIыр Урысеймрэ Сириемрэщ, ауэ абы нэмыщI адрей къэрал иджыпсту зи унэ зыбгынэн хуей хъуахэр здэщыIэхэмкIи щолажьэр. Езы жылагъуэ зыгухьэныгъэм я пресс-къулыкъум тхыгъэ утыку къырилъхьам къызэрыхэщымкIэ, иджыпсту ахэр къэрал къулыкъухэмрэ муниципилитетхэмрэ ядолажьэр, абыхэм нэмыщI жылагъуэ зыгухьэныгъэ нэгъуэщIхэм, къэрал комитетхэм, нэмыщI IуэхущIапIэхэм, репатриантхэмрэ зауэ щхьэкIэ зи хэку зыбгынахэм ядэлажьэхэм.

Пресс-релиз утыку къыралъхьам къызэрыхэщымкIэ, адыгэ республикэу Урысей Федерацэм хэтхэм деж хэкум къэзыгъэзэжахэм гумэщIэгъуэшхуэхэр щаIэкъым, абыхэм я щытыкIэм республикэ хьукумэтым и нэIэр тетщи.

А хъыбарыр къыщIебгъэбыдэр адыгэ жылагъуэ IуэхущIакIуэ Исмел Расул. Абы щхьэгъусэ хуэхъуар Сирием щыщщ, икIи диаспорэм щыщу хэкум къэкIуэжахэм кууэ ядолажьэр. Абы зэрыжиIэмкIэ, бзэ гумэщIэгъуэр зэран мэхъу, ауэ урысыбзэр зэзыгъэщIахэм тыншу хэкум деж лъабжьэ щаутIыпщыф:

"Си унагъуэкIэ къапщтэм, си щхьэгъусэмрэ, абы и унагъуэмрэ, дэгъуэу мэпсэу, ауэ ди улахуэхуэр абыхэм ядежкIэ цIыкIущ. И адэр университетым щолажьэр, хьэрыпыбзэмрэ калиграфиемрэ иригъаджэу. И анэм шхапIэ цIыкIу егъэлажьэр Макдональдсым ещхь зыгуэру. Ахэм ящIыр нэхъыфIщ. Сирием къикIхэм бизнес дэгъуэу ящI. Машынэ щащIыж, щатхьэщIхэр къызыIуах, цIыхухэр Iущщ, Iуэху псынщIэу къагъуэт. Ауэ я гумэщIэгъуэр урысыбзэр аращ. Урысейм укъакIуэм урысыбзжэр зэбгъэщIэн хуейщ. Зыгуэрхэм ар къохьэлъэкI, ауэ шэч хэмылъу ди лъэпкъэгъухэр къэкIуэжын хуейщ я хэкум. Зыгуэрхэри зауэм къыхэкIыу къокIуэр, ауэ къэнэжын хуейхэщ. Тыркум къикIыжауи зыгуэрхэр соцIыхури, бизнес гуэрхэр яIэщ, ахъшэ гуэрхэри къалэжь. Я пхъури университетым уващи дэгъуэу мэлажьэр. Сэ сызэрегупсысымкIэ, бзэр умыщIэм нэхъ къохьэлъэкIынущ псори".

ХэкумкIэ апхуэдэу щыт пэтми, нэмыщI къэралхэм деж Iуэху къекIуэкIыкIэр нэгъуэщIщ. Репатриацием елэжь IуэхущIапIэм и тхыгъэм къызэрыхэщымкIэ, Сирием зауэ къекIуэкIым щхьэкIэ зи унэ къэзыгъанэу Iэпхъуахэм гумэщIэгъуэ куэд яIэщ, икIи абыхэм я нэхъыбэр къызыхэкIыр абыхэм ядэIэпыкъу жылагъуэ зыгухьэныгъэхэр зыпыщIауэ, зыгурыIуэу зэрымылажьэр аращ. А ныкъусэныгъэр гъэтэрэзыныр аращ нобэрей махуэм къэлэну зыхуигъувыжыр зыгухьэныгъэщIэ къэунэхуам.

Иджыпсту официал къэрал къулыкъухэм яIэ хъыбархэм къызэрыхэщымкIэ, Сирием къикIыу хэкум къэкIуэжахэр мэхъу цIыху I624. Абыхэм щыщу I000-м щIигъур Къэбэрдей-Бэлъкъэрым щыIэщ, Адыгэ республикэм 600-м нэблагъэ щыIэщ, Къэрэшей-Шэрджэсым цIыху 24.

Адыгэ жылагъуэ зыгухьэныгъэ зэмылIэужьыгъуэхэм я хъыбархэм зытебгъащIэу щытым, иджыпсту адыгэу Сирием икIащ мин I2-м щIигъу. Абыхэм щыщу Тыркум щыIэщ 6000, Иорданием 4000, нэмыщI къэралхэм 2000. Езы Сирие кIуэцIым зи унэ хыфIэзыдзэу Iэпхъуахэм я бжыгъэр мин I5-м хуагъакIуэр. А бжыгъэр тегъэщIащ адыгэ къуажэ нэщI хъуахэмрэ адыгэхэр куэду здыщыпсэуу щыта щIыпIэхэмрэ.

Иджыпсту адыгэ жылагъуэм и къудамэ куэдыр йолэжь я лъэпкъэгъухэм ядэIэпыкъуну. Зыгуэрхэр абыхэм ядоIэпыкъу дэфтэрхэр къызырагъэпэщыну, визэхэр, зэрылажьэн тхылъыпIэхэр къаIэрыхьэну. НэгъуэщIхэм мылъкухэр зыхуахьэсри ядоIэпыкъу, зыгуэрхэр сэрэп мэхъу бзэ дерсхэр къызырагъэпэщыну, лэжьапIэ къыхуагъуэтыну, унэ здыщIэсын къагъуэтыну, нэгъуэщI лъэныкъуэхэмкIи.

Къэбэрдей-Бэлъкъэр, Хуитыныгъэ радио
Бэрокъуэ Артур